‎~JANG OH JANG~

'Jang oh Jang!'

"Ekau jangan lupo!
Hidup kito tak lamo
berbaktilah kepado orang tuo
tak rugi Jang oi!"

'Jang oh Jang!'

"Jangan lupo yo!
Atok pun tak lamo laie dah ni
esok, luso atau sekojap laie
ontah ado ontah tak laie dah
ingat yo posan atok ni!"

"Apo lak laie ni tok!
Atok nak poie mano ni tok!"

'Jang oh Jang'

"Ekau tak tahu laie ko"

"Atok! Kalau Ujang Tahu tak yah dah Ujang tanyo ni tok!
Apo lah atok ni merabankan tok"

'Jang oh Jang'

"Yolah! Manolah tahukan
ontah esok, luso atau sekojap laie
atok dah tak ado laie kek sini ha
mungkin atok kek sinun sano ha!"

"Kek mano tok?"

"Mano laie! Jamban!"

"Atok ni!!"

'Jang oh Jang'.

SAZALEE SULAIMAN(SS-Z)
NILAI, NEGERI SEMBILAN 21-12-2011 jam 1555pm.